Nótin var dreginn í fyrsta sinn á þessari vertíð og nýi fíni korkaleggjarinn var þá sömuleiðis notaður í fyrsta sinn

Þá eru peyjarnir búnir að gera “VEL“ sjóklárt eins og það var orðað. Eftir brösóttan fyrsta nótatúr þessa vertíða, þá erum við á heimleið með 1.400 tonn. Gekk ágætlega þar til við fengum fjóra hvali í tveimur köstum eða tvo „heimska“ hvali í hvort kast í nótina í fyrri nótt með tilheyrandi leiðindum, afla missi og rifið, þegar allt var gert til að losa þá út. Þá var ekki annað í stöðunni en að tæma nálakörfuna og smella nótinni saman á ný eftir þær björgunaraðgerðir. Stóðu peyjarnir sig vel að vanda í þeim efnum. Í gær og nótt var svo árangur í samræmi við lóð eða lítill. Þá er að koma sér heim fyrir stóru bræluna. Styttist og styttist væntanlega í að grunnnótin verði brúkuð,...er það næst? Kemur í ljós. En við drífum okkur heim á leið og skilum allavega þessum 1.400 tonn fyrst og sjáum svo til.  En í Eyjum verðum við væntanlega í  fyrramálið, hvað snemma veit ég ekki fer eftir veðri og vindum, sem stendur er hér SKÍTABRÆLA!, ef allt væri eðlilegt þá væri það milli 6 og 7, en það er ekki að fara gerast held ég;0...þá ætla ég að láta þetta duga héðan frá Álsey á landleið í skítabrælu:

 Kveðja Kristó

Og svo toga...fram á gengið Svanur og Orri vélstjórar og Bjarki taka á því

Hér er það Börkur NK 122 við loðnuveiðar á sunnudaginn, líklega í sínum síðasta túr sem slíkur. En á morgun mun hann heita eitthvað allt annað! Já og verða því fyrrverandi Börkur, þar sem þeir austfirðingar eru að fá nýtt skip frá Noregi á morgun miðvikudag sem mun taka við þessu nafni. Glæsilegt skip að sjá á mynd smíðað árið 2000 og hét áður Torbas. Til hamingju austfirðingar!

Friðarsúla á loðnumiðunum? 

„Núverandi / fyrrverandi!“! Börkur NK 122 á tunglskinsbjörtum febrúardegi á loðnumiðunum 2012 og sá græni er þarna líka VE 63 ;)...UPPFÆRT ; Hann heitir þá frá og með deginum í dag Birtingur NK 124 og er verið að breyta þessu á meðan löndun stendur yfir... eins og má sjá á þessum vef hér:  http://emilpall.123.is/blog/2012/02/07/598150/

með skellum við skundum á braut...bræla með stæla á leið til Eyja: tekið kl16:56 í dag.

Dælt í gær og fljótlega upp úr þessu var vindhaninn farinn að sýna um 30 metra á sek. svo það var gert smá hlé á veiðum með svo stóð.

ATH! þetta hér að neðan er skrifað í gærkvöldi ,fimmtudagskvöld og erum við í þessum skrifuðum orðum um kl 20 föstudag að leggjast að bryggju,....en eins og kemur fram að neðan þá gengur frekar erfiðlega að koma þessu frá sér bæði er netið lélegt hjá okkur og 123.is kerfið eða tölvan að stríða mér eða bæði;-)...en 

Frá því við fórum frá Eyjum síðast, þá höfum við landað einum túr á Þórshöfn rúmum 1.600 tonnum og af því var eittvað unnið til manneldis. Við lögðum af stað í nýjan túr síðasta sunnudag frá Þórshöfn. Það hefur verið leiðinda brælutíð og við verið að leita uppi loðnu í flottrollið okkar, þar sem enginn alvöru kraftur hefur ennþá verið á nótarveiðum. Hefur þessi túr því gengið svona og svona, brælur og fiskifælur hefur einkennt hann. En þetta er náttúrlega bara væll að tala svona,...búnir að fiska um 11.000 tonn á þessum tíma,  það að einn túr gangi ekki alveg smurt. Já það þarf stundum að minna „suma“ Á;-) Nóg um það og þrátt fyrir allt þá erum við lagðir af stað heim á leið með 1.800 tonna af loðnu og ætlum við að vera í Eyjum annað kvöld með okkar annan fram í heimabyggð á þessari vertíð.

það hafa svo verið einhverjar fréttir af nótarveiði og það á frekar óvenjulegum stað. Víkingur AK 100 sem sigldi norður fyrir á leið sinni á miðin frá Akranesi, fann inn  á Grímseyjarsundi fínustu torfu sem hann kastaði á ,eftir daginn og annan til var hann búinn að fylla. Gott mál að vita af loðnu hér og þar. En voru þau skip sem eftir komu ekki feit af þessu að ég held og liggur straumurinn austur á ný. En á meðan þessu stóð héldum við kyrru fyrir og nudduðum uppúr sjó einhver tonn sem varð svo til að við fylltum í dag.

þá er farið að örla á nótaveiðum töluvert sunnar og þeim fjölgar sem þangað leita vopnaðir nót. Við fáum vonandi góðar fréttir af þeim skipum eftir löndun og á útleiðinni í næsta túr;-)

Ég ætla ekki að hafa þetta lengra í bili og vona að net og sími verði eitthvað skárri á næstu dögum og vikum. Svo við getum verði í betra sambandi við okkar fólk og jú bloggað líka;-)...en það hefur reynt á þolinmæðina að koma þessu hingað inn, þá er gott af henni er til nóg! (held reyndar að nýja kerfið hjá 123.is sé líka að stríða mér, en það erum þó þarna breytingar til góðs og verður vonandi svakalega flott á endanum;)

Bestu kveðjur héðan frá Álsey á landleið, Kristó

Þessi túr gekk ljómandi líkt og hefur verið í þeim túrum á undan, þó svo að hann hafi farið aðeins hægar af stað. Þá erum við búnir að fylla og erum lagðir af stað á leið heim til Eyja með okkar fyrsta farm þangað á þessari vertíð, rúmlega 1.700 tonn og mun einhver hluti þess afla fara í vinnslu til manneldis. Svo það færist líf og fjör við FES strax eftir helgi þegar löndun úr Álsey hefst um hádegi mánudag 23 janúar, þann tímamótadag. Já það eru 39 ár á morgun frá því maður flúði Eyjuna fögru grænu upp á land með Berg VE 44,...vá hvað það er skítið og maður er rétt þrjátíu og fimm, skil ekki hvernig það dæmi gengur upp;-)

En Eyjan fagra græna breyttist upp frá þessum degi í svarta drungalega og allt af því draugaeyju :(...en með krafti, kjafti, klóm og ekki síst kjarki lögðust menn á eitt! að þarna yrði byggð upp blómleg byggð á ný. Framhaldið vitum við öll. :-) Loðnulöndun hófst í miðju gosi 1973 og erum við á þessum degi þrjátíu og níu árum síðar að koma líkt var gert þá með vænan skammt af loðnu til löndunar á Eyjuna okkar fögru í suðri.(kannski aðeins stærri skammt;)) Er ég endalaust þakklátur foreldrum mínum og öllum þeim sem skiluð sér aftur með dugnaði og hafa byggt upp og skapað í Eyjum gott samfélag á ný. Um leið og ég skil vel þá sem ekki gátu hugsað sér heim á ný, því það var alls ekki sjálfgefið að snúa til baka. En sem betur fer gerðu það nógu margir og erum við smátt og smátt að ná fyrri styrk og íbúatalan fer hægt stígandi upp á ný.

Nóg um það við verðum sem fyrr segir í Eyjum um hádegisbilið á morgun og það má segja að loðnuvertíðin sé þá loks að komast á skrið í Eyjum, því væntanlega er stutt í það að Ísfélagsskipin fari að detta þar reglulega inn eitt af öðru. Í Eyjum hafa VSV skipin verið að landa vestur frá reglulega í janúar og núna við á okkar stað austur frá.  Veiðisvæðið færist nær og það er orðið stutt í þá línu sem flottrollveiðar eru bannaðar. Gömlu góðu flottu loðnuskipin Sigurður VE 15 og Víkingur AK 100 eru mætt á svæðið vopnaðir eingöngu nót auk þeirra eru þeir Norsku byrjaðir að kasta nót.

Svo framundan er líf og fjör...alltaf fjör í Eyjum þegar fiskast vel núna sem áður.

Læt þetta dugað héðan frá Álsey VE 2 á landleið.

Kveðja Kristó

Litli aðstoðarmaðurinn minn Helgi Marinó hér um borð loðnuvertíð feb. 2011 eftir að hafa tekið kost með pabba sínum, hlakka til að fá hann aftur um borð á morgun við sömu iðju og honum finnst það ekki leiðinlegt heldur;-)

Sigurður VE 15 var mættur á loðnumiðin, alltaf gaman að sjá hann. En þessi var tekinn á vertíðinni í fyrra.

Guðmundur VE 29 í löndun á frystum loðnuafurðum í „blíðunni á Þórshöfn í dag

Þetta var stór og falleg loðna sem landað var í frystingu, með þeim stærri í einhver ár. Eins fæst gott magn af lýsi og mjöli með því sem fer í bræðslu.

 Það var talsvert magn af loðnu að sjá síðast þegar við vorum á miðunum, sem hafði bæst við það sem fyrir var og stærri en áður, eins og fyrr segir. Þá var góð veiði á flotanum fram að brælu og ég veit að sá gamli Græni Ísleifur VE 63 fékk fullfermi í þremur hölum 1.000 tonn rúm eða svo, flott hjá þeim eftir leiðinda bras í túrnum á undan.

En við erum sem fyrr segir á leið á miðin og ættum að vera þar væntanlega um hádegisbilið ef af líkum lætur. Ég ætla ekki að hafa þetta lengra og bið að heilsa héðan frá Álsey á útleið, kveðja Kristó

(Uppfært fimmtudagsmorgun)... erum komir á miðin djúpt austur í Héraðsflóann og vorum að láta trollið fara, það hefur verið fínasta veiði hjá þeim sem vonandi heldur bara áfram. 

kv. Kristó

Bjarki Kristjáns tekur á því á hlaupabrettinu í Álseyjarþreki í dag(fimmtudag) og Sigþór teygir á eftir blóð, svita og tár;-)

Uppskipun, útskipun, vinnslu-og bræðslulöndun.

Það hefur verið nóg að gera við höfnina á Þórshöfn í  janúar, þar sem skip Ísfélagsins hafa verið nánast daglegir gestir í löndun á loðnu og hafa landað þar nú þegar ríflega 17.000 tonnum, þá fór Þorsteinn með einn farm til Eyja.  Fraktskip því komið á Þórshöfn reglulega til að ná í þær afurðir. Hér erum við á Álsey í löndun á afla sem fer í vinnslu til manneldis, í lýsi og fóður, þá er það Guðmundur VE 29 sem er að landa þarna Frystum loðnuafurðum og síðar í bræðslu og að lokum er þarna Norskur fraktari að nái í frystar afurðir Ísfélagsins. Þetta er lífæð og hjól atvinnulífsins sem hér snýst á fullu, sem er svo að gefa fínan gjaldeyri fyrir okkar þjóðarbú

Búbú hvað ertu að hugsa?? Og á hvað ertu að lýsa??

Það er ekki hægt að kvarta undan veiðum á loðnumiðunum þessa dagana, því það var svipaður stíll á þessu hjá okkur í þessum túr og þeim á undan. Það eru núna tveir sólahringar(þriðjudagskvöld) frá því við fórum frá Þórshöfn og erum við búnir af fylla og erum á leið til Þórshafnar(komnir miðvikudagsmorgun). Af því erum við með kælt í þremur tönkum sem mun fara í vinnslu til manneldis. Það er bræluspá í kortunum og því gott að hafa náð þessum túr áður en af því verður og getað notað tíma í löndun á meðan svo stendur.

Ég ætla ekki að hafa þetta lengra í bili héðan frá Álsey á landleið,...bestu kveðjur Kristó

Þórshöfn á Langanesi janúar 2012

Búbú og Bjarki glaðir í bragði eftir gott hal

Við fórum í þennan túr seint á fimmudagskvöldið og í hádeginu í dag tveimur og hálfum sólahring síðar erum við aftur komnir á Þórshöfn með fullt skip af loðnu. Það var stutt á miðin og rétt fyrir hádegi föstudag var búið að hífa fyrsta halið 450 tonn. Svo þetta fór vel af stað og hélt áfram nokkurn vegin svona. Sex hölum síðar var allt orðið fullt hjá okkur og fór kælt í tvo síðustu tankana sem fer í vinnslu til maneldis, samtals gæti þetta verið um 1.700 tonn.  

Í byrjun túrs fengum við fréttir af góðum mælingum hjá Hafró sem gefur góð fyrirheit um að gefin verði út talsverður viðbótarkvóti síðar í þessum mánuði. Fyrstu yfirferð yfir útbreiðslusvæði hrygningarstofns loðnu er lokið og alls hafa þeir mælt 900.000 tonn,  áfram er gert ráð fyrir að 400 þús. tonn séu skilin eftir til hrygningar í lok vertíðar. En loðna fannst á öllu mælingasvæðinu en var víða dreifð.   Mun Árni Friðriksson fara í viðbótaryfirferð yfir svæðið sem bera að fagna og hrósa fyrir. Er hann núna austur fyrir landinu í þessu skyni. Ráðgjöf Hafró mun sem fyrr segir liggja fyrir síðar í mánuðinum að loknum þessum mælingum Árna Friðrikssonar um heildaraflamark fyrir vertíðina 2011/2012.

Það stefnir því í góða vertíð miðað við þessar fréttir, sem er vel fyrir okkar þjóðarbú, en „Allsherjar" ráðherra Steingrímur J. Sigfússon var í þætti á Bylgjunni í morgun og var búinn að reikna þetta upp í 20 -25 milljarðar loðnuvertíð. Ekki ónýt búbót það...fyrir hann að vinna úr:(

Læt nokkrar myndir frá þessum síðasta túr fylgja með sem og frá bryggjunni á Þórshöfn í dag.

Ég læt þetta þá duga í dag héðan frá við löndunarbryggjuna á Þórshöfn á Langanesi. Kveðja Kristó

Yfirvélstjórinn Svanur á vaktinni og gerir eitt stjór tankinn kláran fyrir vinnslu

Landað úti á sjó!‘!, tilfærsla á afla eftir að fréttir bárust um væntanlega kvótaaukningu og því var farið í að breyta lestarplani þar sem aflamagn í land yrði stærra en til stóð og vinnslutankar græjaðir upp á nýtt.

Eiríkur í löndun á sjó...er hann þá á tímakaupi líka?;-)

Það er nóg að gera þarna hjá Rabba og hans fólki í loðnubræðslunni á Þórshöfn þessa dagana sem og hjá þeim í frystihúsinu í vinnslu við frystingu á loðnu...líf og fjör á Þórshöfn

Geir ÞH 150 inn á Þórshöfn á köldum en fallegum janúar vetrardegi

Álsey VE 2 í löndun á Þórshöfn í dag

Löndun á Þórshöfn fer senn að ljúka eða líklega um miðnætti í kvöld. Verður þá væntanlega farið beint á miðin sem eru núna á stærra svæði norðaustur af Langanesi og mér skilst að það hafi verið þar þokkaleg veiði í dag, loks þegar blessuð loðnan fannst aftur eftir brælu og skipin gátu farið að toga aftur.

 Við vistmenn á Álsey höfum gert eitt og annað okkur til dundurs hér á Þórshöfn í þessari inniveru, eins og hressandi gönguferðir í köldu en fallegu verði, sund, þá Badminton en við komum að því síðar. Þá hafa menn tekið í spil og gerst spekingslegir í sögnum eitt, grand,lauf, spaði, pass og hvað þetta heitir nú allt,...jú Brids. En gamla góða Eyrin er því miður lokuð og því ekki hægt að komast þar í gómsæta pitsu og ís kaldan:) Þar sem hún Nanna tók upp á því að fara í fæðingarorlof;-)En Nanna innilega til hamingju með peyjann;)...en mér skilst að nýr vert sé ekki langt undan og muni opna, vonandi sem allra fyrst. En það má samt hrósa sjoppunni sem hefur stækkað veitingasalinn og er hægt að finna það fínustu veitingar, sjónvarp til að horfa á bolta og stöð2. 

Talandi um bolta þá var ekki leiðinlegt fyrir okkur púlarana að glápa (aðallega fyrri háleik ;) ) í gær á leik þegar þeir unnu Billjarða liði Man $ity 0-1 í fyrri leik liðana í undanúrslitum deildarbikarsins. Við púlararnir hér um borð eða helmingur vistmanna vonumst auðvita eftir því að þeir klári seinni leikinn líka og komi sér á nýja Wembley í fyrsta skiptið.

En þá af Badmintonleik sem ég varð vitni af í dag! Eftir ágætis myndvélagöngu með Sigga Búbú, lág leið okkar í Íþróttahúsið til að fara í sundið og þar urðum við vitni af badmintonleik á milli tveggja vistmanna á Álsey annars vegar sykurpúðanum Eiríki Arnórs og??...til að gera langa sögu stutta þá velti hann Eiríkur ÞUNGU hlassi úr vegi og af STALLI sjálfum Sibba Óskars hinum ósigrandi fram af þessu. Já það sem við sáum var 3-0 öruggur sigur Eiríks og með það fórum við í sund með breitt bros. Eftir komu þeir félagar og annar í betra skapi, eða þannig.

En hvað um það þá er bara að bíða efnis fyrir næsta blogg sem verður úr næsta túr, þar til bið ég að heilsa héðan frá Álsey við bryggju á Þórshöfn. Kveðja Kristó

Siggi Óla stýrimaður kuldalegur eftir hressilega göngu í dag þegar við Búbú mætum honum

Kirkjan á Þórshöfn í fallegu vetraveðri í dag 

Hér er svo ein fá leik dagsins í dag milli Eiríks og Sibba sem endaði frekar á óvæntum nótum!

Kristina EA 410 stórt og öflugt skip Samherja að toga á loðnumiðunum í morgun

Löndun gekk alveg ljómandi vel á Þórshöfn og lauk henni um klukkan tíu sunnudagsmorgun og við farnir út með það sama. Við fengu skítabrælu á leið okkar á miðin, en vorum þó komnir á miðin og búnir að láta trollið fara um miðnætti. Um sjöleitið í morgun var svo híft og fyrsta halið komið í hús, (skip) það runnu 300 tonn niður í tóma lestartanka eftir það hal. Svo það er fínasta start á þessum túr. Þó er ekki alveg eins líflegt hér núna og t.d. í morgun. Það glæðist vonandi og við fáum frið fyrir veðri til fiska meira. En spáin lítur ekkert alltof vel út. En er á meðan er og við náum vonandi einhverjum tonnum til viðbótar fyrir næstu brælu.

Ætla ekki að hafa þetta lengra í bili og kveð héðan frá Álsey á loðnumiðunum austur af Héraðsflóa, Kristó

Kristina EA 410 á loðnumiðunum í morgun

Sólarupprisa við Íslandsloðnumið 

Dælt í gær og fljótlega upp úr þessu var vindhaninn farinn að sína um 30 metra á sek. svo það var gert smá hlé á veiðum með svo stóð.

Frá því við fórum frá Eyjum síðast, þá höfum við landað einum túr á Þórshöfn rúmum 1.600 tonnum og af því var eittvað unnið til manneldis. Við lögðum af stað í nýjan túr síðasta sunnudag frá Þórshöfn. Það hefur verið leiðinda brælutíð og við verið að leita uppi loðnu í flottrollið okkar, þar sem enginn alvöru kraftur hefur ennþá verið á nótarveiðum. Hefur þessi túr því gengið svona og svona, brælur og fiskifælur hefur einkennt hann. En þetta er náttúrlega bara væll að tala svona,...búnir að fiska um 11.000 tonn á þessum tíma,  það að einn túr gangi ekki alveg smurt. Já það þarf stundum að minna „suma“ Á;-) Nóg um það og þrátt fyrir allt þá erum við lagðir af stað heim á leið með 1.800 tonna af loðnu og ætlum við að vera í Eyjum annað kvöld með okkar annan fram í heimabyggð á þessari vertíð.

það hafa svo verið einhverjar fréttir af nótarveiði og það á frekar óvenjulegum stað. Víkingur AK 100 sem sigldi norður fyrir á leið sinni á miðin frá Akranesi, fann inn  á Grímseyjarsundi fínustu torfu sem hann kastaði á ,eftir daginn og annan til var hann búinn að fylla sig. Gott mál að vita af loðnu hér og þar. En voru þau skip sem eftir komu ekki feit af þessu að ég held og liggur straumurinn austur á ný. En á meðan þessu stóð héldum við kyrru fyrir og nudduðum uppúr sjó einhver tonn sem varð svo til að við fylltum í dag.

þá er farið að örla á nótaveiðum töluvert sunnar og þeim fjölgar sem þangað leita vopnaðir nót. Við fáum vonandi góðar fréttir af þeim skipum eftir löndun og á útleiðinni í næsta túr;-)

Ég ætla ekki að hafa þetta lengra í bili og vona að net og sími verði eitthvað skárri á næstu dögum og vikum. Svo við getum verði í betra sambandi við okkar fólk og jú bloggað líka;-)...en það hefur reynt á þolinmæðina að koma þessu hingað inn, þá er gott af henni er til nóg! (held reyndar að nýja kerfið hjá 123.is sé líka að stríða mér, en það eru þó þarna breytingar til góðs og verður vonandi svakalega flott á endanum;)

Bestu kveðjur héðan frá Álsey á landleið, Kristó